Rees op Natzweiler vum Samsdeg den 12. September bis Sonndegs den 13. September 2020

Den 12. a 13. September war d ’Amicale Natzweiler-Struthof mat enger Delegatioun an den Vogesen um KZ Natzweiler-Struthof fir d ’Aweiung vun dem restauréierten Mémorial an der Nekropole.


Gedenken zu Déifferdeng 2020

Bild in Lightbox öffnen (open image in lightbox).
Gerbe zu Déifferdeng 2020
Och wann mir net wéi soss dëst Joer um 19. Mee zu Déifferdeng deenen gedenken, déi un deem Dag zu Natzweiler higeriicht goufen, sou hunn mir awer eng Gerbe um Kierfecht zu Déifferdeng néiergeluecht.

Assemblée Générale Amicale Natzweiler-Struthof 2020

Bild in Lightbox öffnen (open image in lightbox).
Photo de l'AG du 19 janvier 2020
 
Den Här Jean-Jacques SIEDLER gouf als neien Member an den Comité opgeholl. Den Här Gaston RATHS ass leider aus perséinlechen Grënn aus dem Comité aus getrueden. Mir soen him Merci fir seng gutt Aarbecht. 

Rees op Natzweiler vum Freideg den 13. September bis Samsdeg den 14. September 2019

Och dëst Joer waren mir op Natzweiler, an hunn do zesummen un der internationaler Gedenkfeier deelgeholl. 75 Joer no der Evakuatioun vum KZ war dëst eng ganz emotional a würdeg Gedenkfeier. Weider Informatiounen fannt Dir op  http://www.struthof.fr/actualites/detail/article/ceremonie-internationale/


Assemblées Générales Ordinaire an Extraordinaire Amicale Natzweiler-Struthof 2019


Rees op Natzweiler an an Europaparlament den 9. an 10. September 2018

Amicale Natzweiler-Struthof ass zesummen mat interesséierten Leit den 9. September an KZ Natzweiler gefuer, an dunn den 10. am Europaparlament op Aluedung vum Här Goerens. Den Ambassadeur Permanent zu Stroossbuerg, den Här Müller, konnt eis déi 2 Deeg mat begleeden. Geschicht an aktuell Zäitgeschicht konnten sou während 2 ganz interessanten Deeg vermëttelt ginn.
Déi vill positiv Echoen bestärken eis natierlech doran, dat mir och nächst Joer Uganks September eng Rees dohinner ënnerhuelen wäerten. Den geneeën Programm steet nach net fest, mee all Interesséiert kënnen schonn gären éischt Informatiounen iwwert eis Email info@amicale-natzw.lu ufroen.


Rees op Natzweiler 2017

D’Amicale Natzweiler-Struthof ass den 2. September op Natzweiler gefuer, fir do den Lëtzebuerger ze gedenken, déi virun méi wéi 75 Joer an dësem KZ – deem eenzegen op franséischem Territorium – joerelaang gelidden hunn, an leider och vill hiert Liewen hunn missen loossen.

Mir hoffen dat sou eppes nie méi wäert geschéien, an duerfir halen mir Erënnerung un déi donkelst Stonnen aus dem 20. Joerhonnert oprecht. Och nächst Joer wäerten mir dohin fueren, an d’Amicale ass fir all interesséiert Leit op. Dir kënnt iech gären iwwert www.amicale-natzw.lu umellen oder och Informatiounen zu eisen villen verschidden Aktivitéiten ufroen. 




Bild in Lightbox öffnen (open image in lightbox). Editioun 2 - Iwwerschaffte Versioun - Vum Steve Kayser -ISBN 978-2-87996-686-1 d'Buch kann am Secrétariat bestallt ginn